Xalqaro valyuta jamg‘armasi bilan hamkorlikni kengaytirish bo’yicha Prezident qarori e’lon qilindi

Xalqaro valyuta fondi | economist.uz

O’zbekiston Respublikasining «Xalqaro shartnomalar to‘g‘risida»gi Qonuniga muvofiq hamda Xalqaro valyuta jamg‘armasi bilan hamkorlikni kengaytirish maqsadida O’zbekiston Prezidentining qarori e’lon qilindi.

Unga ko’ra 2010-yilning 15-dekabridagi Xalqaro valyuta jamg‘armasi boshqaruvchilar Kengashining «Kvotalarni umumiy o‘n to‘rtinchi qayta ko‘rib chiqish va Ijro etuvchi kengashni isloh qilish» haqidagi 66-2-sonli Rezolyutsiyasiga muvofiq Jamg‘armaga a’zo davlatlar tomonidan ratifikatsiya qilinishi lozim bo‘lgan Ijro etuvchi kengashni isloh qilish to‘g‘risidagi Xalqaro valyuta jamg‘armasi Bitimi moddalariga o‘zgartish va qo‘shimchalar kiritish haqidagi qarori ma’lumot uchun qabul qilindi.

Shuningdek, O’zbekiston Respublikasi Bosh vazirining birinchi o‘rinbosari, moliya vaziri R.S.Azimovga O’zbekiston Respublikasi ushbu tuzatishlarni qabul qilgani to‘g‘risida Xalqaro valyuta jamg‘armasini xabardor qilish vazifasi yuklatildi.

Mazku qarorga ko’ra, O’zbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu tuzatishlar kuchga kirgandan keyin belgilangan tartibda O’zbekiston Respublikasining majburiyatlari bajarilishi ustidan nazoratni ta’minlaydilar.

Mazkur qarorning ijrosini nazorat qilish O’zbekiston Respublikasining Bosh vaziri Sh.M.Mirziyoyev zimmasiga yuklatildi.

Nomi: "Xalqaro shartnomini qabul qilish to'g'risida" qaror

Qabul qilgan rahbar: O'zbekiston Respublikasi Prezidenti

Qabul qilingan sana: 2012-yil 26-sentabr

Saqlab olish:

Pdf variant (346 kb)